ايجى كيوبيد – عشان الفرحة توصل كل بيت فى مصر

cupid marriage website موقع جواز ايجى كيوبيد

أهلا بيكم فى موقع إيجى كيوبيد ، أول موقع جواز مصرى  محترم و هادف ، بنغير بيه مفاهيم المجتمع عن الأنترنت، و نحاول نحل مشكلة فى بلدنا.

أسلوب التعارف فى إيجى كيوبيد جديد و بسيط جداً، الشاب بيدور عالبنت بالمواصفات اللى تناسبه و يعرف عنها أكتر من صفحتها الشخصية أو تعليقاتها و آرائها فى مواضيع مجلة كيوبيد أو صفحات الموقع المختلفة، و يبعتلها رسالة بيطلب فيها رقم الأهل لتحديد مقابلة عائلية و البنت بتحدد بنفس الطريقة مدى مناسبة الشخص ده ليها و بتبعت على الأساس ده رقم الأهل، بمعنى إن كل التعارف هيكون بشكل عائلى, يعنى مافيش اى مجال للهزار او لحد بيتسلى ، الموقع بيرحب بس بكل شاب او شابة محترمة هدفهم إنهم يلاقوا شريك حياتهم، إحنا هدفنا من مشروع ايجى كيوبيد إننا نستخدم التكنولوجيا و الأنترنت عشان نواجه مشكلة تأخر الزواج فى مجتمعنا ، مش نهرب من مواجهتها أو ما نعترفش بوجودها.

سواء كنت بتدور على شريك حياتك أو كنت بتحب تقرا مقالات عن الحب و تناقش مشاكل باقى الأعضاء فى باب ” إسأل كيوبيد ” فى المجلة أو كنت حتى تحب تشارك فى فريق تحرير مجلة كيوبيد, فى كل الحالات بيسعدنا تواجدكوا معانا و يسعدنا اكتر إننا نشترك بإيجابية فى نشر موقع إيجى كيوبيد، لأن كل ما زاد عدد الأعضاء كل ما كانت الفرصة أكبر لكل مشترك إنه يلاقى شريك حياته. عشان كده بنتمنى من كل الأعضاء نشر الموقع بين أصحابهم فى الفيسبوك أو تويتر او غيره عن طريق اللينكات اللى فى آخر كل صفحة، الموقع مجانى تماماً و عمره ما هيكون غير كده لأننا بنحاول نحل مشكلة مش بنتاجر بيها، و الطلب الوحيد لينا هو مساعدتنا فى نشر موقع إيجى كيوبيد..عشان الفرحة توصل كل بيت فى مصر… :)

إشترك فى إيجى كيوبيد